Qytetarët protestojnë kundër reduktimeve të rrymës, kërkojnë shkarkimin e ministres Rizvanolli

13:26 | 27 Dhjetor 2021
Arditë Shkodra

Po mbahet një protestë më një numër të vogël qytetarësh para ndërtesës së KEDS-it në Prishtinë.

Në këtë protestë po kërkohet furnizimi i rregulltë me rrymë, si dhe shkarkimi i ministres së Ekonomisë, Artane Rizvanolli, shkruan arbresh.info

Poashtu protestuesit dëgjohen duke brohoritur “KEDS t’i kthehet Kosovës”, “ Ngrohja nuk është komoditet” dhe “ Rizvanolli ik”.

Ata kanë gjuajtur me poça elektrikë në drejtim të KEDS-it në formë proteste.

Kujtojmë që Qeveria e Kosovës më 24 dhjetor vendosi masa të emergjencës në furnizim të energjisë elektrike, të cilat do të vlejnë maksimalisht 60 ditë.

Ndërsa KEDS të martën e kaluar, i pati dërguar qytetarëve të shumtë mesazhe telefonike, ku njoftoheshin për kufizimet me energji elektrike./arbresh.info/